"O'ZBEKISTON TEMIR YO'LLARI" AJ MARKAZIY POLIKLINIKASI
"O'ZBEKISTON TEMIR YO'LLARI" AJ MARKAZIY POLIKLINIKASI
"O'ZBEKISTON TEMIR YO'LLARI" aksiyadorlik jamiyati Markaziy poliklinikasi temiryo'lchilarga yuqori malakali tibbiy yordam ko'rsatuvchi, shuningdek aholiga pullik xizmat ko'rsatuvchi maslahat-davolash diagnostika (tashxis) markazi hisoblanadi. "O'ZBEKISTON TEMIR YO'LLARI" aksiyadorlik jamiyati Markaziy poliklinikasi - bemorlarni ko'rikdan o'tkazish va davolashning zamonaviy usullariga ega yirik tibbiy muassasasidir. Poliklinika soat 07:00 dan 19:00 gacha ishlaydi va smenada 1200 nafar tashrif buyuruvchini qabul qiladi. Poliklinikada jami 543 ta xodimlar ishlab kelmoqdalar. Ulardan 107 tasi shifokorlar. O'rta tibbiyot xodimlari 269 ta.
19 ta ishlab chiqarish temir yo'l korxonalarining barchasi korxona shifokor va hamshiralar bilan ta'minlangan. Bitta temir yo'l korxonasida ishlayotgan xodimlarning o'rtacha soni 1100 tani tashkil qiladi. Shuning uchun poliklinikaning asosiy bo'g'ini bu terapiya bo'limlaridir. Poliklinika tizimida Toshkent Uzeli bo'yicha va korxonalarda joylashgan tibbiy punkt va reys - oldi punktlarining umumiy soni 15 ta. 2018 - 2020 yillar davomida poliklinika laboratoriya korpusi to'liq ta'mirdan chiqarildi. Aholini sog'lomlashtirish hamda kasallikni oldini olish maqsadida poliklinika barcha zamonaviy, jahon talablariga javob beradigan tibbiy uskunalar bilan jihozlangan.